Alf Ramsøy, Surnadal: Han var ein framifrå kulturformidlar til det siste, blant anna av tekstene til gode venner som Leif Halse, Hans Hyldbakk og Hans Kristiansen. Alf Ramsøy var ...

About the object

• IdentifierKMb-2019-005.29335
• EierNordmørsmusea AS
• Avbildet stedMøre og Romsdal Surnadal Skeisikker
• Specific subject termspressefoto
• Subject

  Alf Ramsøy, Surnadal: Han var ein framifrå kulturformidlar til det siste, blant anna av tekstene til gode venner som Leif Halse, Hans Hyldbakk og Hans Kristiansen.

  Alf Ramsøy var frå garden Ramsøya i Todalen. I fredsåret 1945 gikk han på Nordmøre folkehøgskule i Surnadal, og utmerka seg med eit stort scenetalent. Dette førte han vidare til teaterutdanning i Oslo, der han vart tilsett på Det Norske Teatret. I tillegg til rollene ved teatret, spela han i storfilmar som "Ni liv" (1957) og "Dei svarte hestane" (1951).

  Alf Ramsøy er kanskje den einaste norske skodespelaren som kombinerte scenelivet med å vera toppidrettsmann. Han utmerka seg både med piggsko og ski på føtene, tok fleire medaljar i NM i terrengløp, vann NM-gull i stafett for BUL, deltok på friidrettslandslaget og har sterke plasseringar frå femmila i Holmenkollen.

  Alf Ramsøy vart ikkje så mange år i Oslo; han flytta heim til Todalen, overtok drifta av Ramsøya og gifta seg med Randi. Dei fekk tre born. Midt på 1960-talet vart han brått ramma av poliomyelitt, og lamma frå livet og ned. Den sterke idrettsmannen ga på ingen måte opp, sjølv om han måtte bruke krykker og rullestol. Han flytta inn til Skei, og var yrkesaktiv til han nådde pensjonsalderen.

  Etter den tid var han ein høgt verdsett kulturformidlar, som aldri sa nei.

  Han vart tildelt Surnadal kommune sin kulturpris, Kleivaprisen, i 2004. Bildet er fra avisa Tidens Krav sitt arkiv i tidsrommet 1970-1994.

• Type Photograph