Skulebilete frå Osen skulekrins i Ølen, ca. 1905. Lærar var Mathias Øgrey frå Lyngdal.

Tekst som fylgjer med biletet:

Mathias Øgrey tok over som lærar i Osen skulekrins etter Haldor Fadnes. Mathias og kona Nilsine Øgrey var frå Lyngdal og budde på Dørheim/Roa. Dei flytte sidan attende til Lyngdal. Det nemnast for øvrig at Mathias hadde klumpføter og hadde spesialinnretning for føtene på sykkelen sin.

Mathias og kona Nilsine sit midt i biletet, ho med barnet deira på fanget.

Dette er kva me elles veit om kven som er på biletet:

Venstre side (jentene):

Bertine Dørheim Stykket

2. rekkje: Serina Dørheim (nr. 1), Ingeborg Dørheim (nr. 2)

3. rekkje: Thea Tofte (nr. 1), Brita Hiksdal (nr. 3), søster Malene Stangeland (nr. 9)

4. rekkje: Bertha Vaksdal (nr. 7) (Bertha var slekt til Ths. Vaksdal som budde på Tveitegarden)

Martha Heggen var òg på biletet.

Høgre side (gutane):

2. rekkje: Rasmus Dørheim (nr. 1), Jens Vik (nr. 2), Jakob Solberg (nr. 5), Johannes Langhelle (nr. 7)

3. rekkje: Sigurd Heggen (nr. 1), Gustav Dørheim (nr. 2)

4. rekkje: Kristoffer Dørheim (nr. 1), Anders Langhelle (nr. 2), Olaf Hamre (nr. 4), Olaus Rødne (nr. 6)

Fleire som er med på biletet: Torbjørn Stangeland, Torbjørn Hamre, Kolbein Digernes, Bernhard Hiksdal, Mikal Haugen, Knut Digernes, Odd Opheim, Olaf Helland og Alfred Helland.

Martin Haugen, han vart teken ut til å leggja i omnen. Dette var noko Øgrey fekk i stand for at skulestova skulle vera varm når elevane kom på skulen Lærar Fadnes la først i omnen etter at han hadde låst opp i skulen, og då var det kaldt når elevane kom.

---------------

Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.

I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.

Fotografering: 1900 - 1905 (ca.)

Produksjon: 1985