aboutMannsfigur av kleberstein. Rundt, turbanliknande hovudplagg, festa til hovudet med ein blynagle. Han har langt, opprulla hår, bartar og langt hakeskjegg. Stutt jakke (flasketrøye), med border på ermane og oppståande krage. Belte rundt livet. Felte knebukser og sko med spenne. I høgre handa held han ei langskafta øks.
Statuetten vart gjeven som gåve til Setesdalsmuseet i samband med opninga av nytt administrasjonsbygg i 1993. Gjevaren var Aust-Agder-museet i Arendal, som i 1851 hadde kjøpt statuetten av "Bjørgulv Tellefsen" frå Valle. Jon Løyland har i ein artikkel i Fædrelandsvennen 25.03.1968 identifisert denne mannen som Bjørgulv Torleivsson Nomeland.
Bjørgulv skal ha opplyst til Aust-Agder-museet at han hadde funne figuren i jorda ein stad i Årdal sokn. Det er grunn til å tru at dette ikkje er rett, men at Bjørgulv sjølv hadde laga figuren for å selje han.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».