SubjectSkuleklasse på Utbjoa, ca. 1900. 1 rekkje, frå venstre: Ragnhild Utbjoe Bakkjen, Magda Nilsen Rishammer Toadalen, Engelina Simonsen Thronvik, Anette Stensen (USA) og ukjend. 2. rekkje, frå venstre: Kristen Åsbø, Stina Larsen Lønning, folkeskulelærar Andreas Thronvik, Valborg Nilsen Rishammer Olsen, ukjend gut (bak Valborg og Olivia) og Olivia Arentsdatter Osmundsen Utbjoe (USA). 3. rekkje, frå venstre: Marie Sandvik (USA), Peder Svalland Trondahaugen, Asselina Svalland (USA), Lars Trondahaugen Svalland, Inger Oppistovo Samsonsen, Anton Utbjoe (USA), Ole Olsen Utbjoe og Bernt H. Utbjoe Toadalen.
Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.
I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».