Herad kyrkje, Gol

About the object

• about
  Herad kyrkje vart innvigt i 1934, etter at ein i Heradgrenda hadde venta fleire år på eiga kyrkje. Allereie på slutten av 1800-talet vart kyrkjebygging diskutert, og i 1907 vart det oppnemnt ein byggekomité. Men det var fyrst i 1932 at byggearbeidet kom i gong. Kyrkja er bygd av tre og har trekk både frå basilikaforma, som er k...

  Herad kyrkje vart innvigt i 1934, etter at ein i Heradgrenda hadde venta fleire år på eiga kyrkje. Allereie på slutten av 1800-talet vart kyrkjebygging diskutert, og i 1907 vart det oppnemnt ein byggekomité. Men det var fyrst i 1932 at byggearbeidet kom i gong.

  Kyrkja er bygd av tre og har trekk både frå basilikaforma, som er karakterisert ved opphøgd midtrom, og frå stavkyrkjene med tak over tak. Midtskipet i kyrkja er høgt og med lægre sideskip, og koret i aust er lægre og smalare enn skipet. I vest er det eit stort tårn, som er bygd inn i kyrkjeskipet. Takflatene er tekka med skifer.

  Fargane i interiøret er frå 1953, og går hovudsakleg i brunt og grønbrunt. Inventarets hovudfarge er blågrått, som går igjen på preikestol, benkar, og den åttekanta kalkforma døypefonten. Altertavla er måla av H. Brusletto frå Geilo, og viser Jesus i Getsemane. Orgelet i kyrkja kom frå Gol kyrkje i 1950, men vart bygd i Kongsberg i 1889.

  Kjelder:
  Christie, Håkon og Sigrid: Norges kirker, Buskerud I, Oslo 1981

  Expand text Collapse text
• IdentifierKA.3207
• Object typeHerad kyrkje, Gol
• Current placementNorge Viken Gol Heradvegen 224
• Indexing term1901-1950 Kirke etter DnKs kirkeordning (K)
• Type Building

• Construction

  Tre
  Langplan

• Status of buildingOppført
• Original functionReligion
• FunctionReligion